اعتذر عن التاخير وارجو ان تنال استحسان الجميع
وتقترب الى حدود مملكة ابو فايز الشعرية
هلابك يالصريح اعداد مانتعوذ امن ابليس=هلا باللي وفى وعده بلاعدٍ ولامقياس
وهلا برجال زارونا ولامعهم خطات الهيس= كرام ٍ في ملاقاهم عظيم الفخر والنوماس
لفونا والقلوب البيض مابه غش ٍ وتدليس=مثل بيض الورق نقوة رجالٍ للشعر نبراس
بعيد الدرب مارد النشاما عن لقاء تأسيس=تشرفنا بشوفتهم وطاب الكيف والمجلاس
سمرنا وابتهجنا واللقاء للنفس به تنفيس= سهرنا ليلةٍ قمرا على شعر ٍ من الاحساس
جميل انك تشوف الناس وتتعرف على الفريس= اهل جزل المعاني لانبرى المرسم على القرطاس
وعذراً للجميع الشعر مايضفي على اهل العيس= ولكن هي مجاراتٍ لبوفايز عريب الساس