بسم الله الرحمن الرحيم
الاخوة والاخوات في منتدانا الغالي منتدى الفطاحلة
سبق وان اسند لي الشاعر سعود سعد الحافي (داعي الشوق)
قصيدة وهذا ردي عليه بدون اي مقدمات القصيدة تشرح موقفها
راجيأ من الله ان ترضي اخوي سعود وترضي ذائقة شعرا نا في هذا
الصرح الشامخ
اهلا هلا عد النجوم المطلات = واعداد ما تطلع لنا الشمس وتغيب
باجمل كتابٍ فيه نظم العبارات = مسطرة بايمان ربعن مذاريب
هلا بخط سعود وسعود بالذات = راعي وفاء مافيه شكه ولا ريب
اللي ندبني بالبيوت الجميلات = مرتبٍ قيفانها القرم ترتيب
نوادرٍ من فيض الافكار عذيات = من منهل الحكمة وعذب المشاريب
شاعر ويغرف من بحورٍ غزيرات = قافٍ لعبه معجزة للواعيب
لكن سيري يالهواجيس عجلا ت = رد الوفاء لهل البيوت المنا جيب
ربعن لهم في موقف العزوقفات = عاداتهم بالطيب كسابة الطيب
يابن سعد ورسالتك بالوفاء جات = يامن عليت بعاليات المراقيب
واخذت لي معها دقائق وساعات = خواطري ترقص واهل التراحيب
ولا يلحق اهل العرف ياسعود شكات = ولاني بمن يلطم شبات الاصاحيب
والو شفت بالا يام يا سعود عا هات = روس النشامى عانها كلها شيب
سائر ومش اصعاب الايام بسكات = وقطع طريق ملا حيقين المشاهيب
ولاتلتفت لهل الحكي والدعايات = اللي على غرات خلقه منا ديب
واختامها الك ازكى سلام وتحيات =يامن ندبني يالبيوت المناجيب