حرام الحب يذبل في الحنايا = وانا منك قريب ولا دريتي
حرام الظلم لا ذنب وخطايا = فانا مقوى على هجر قويتي
سألتك باللذي يدري الخفايا = تحسّي بي او انتي مااشتقيتي
أو إني مستمرٍّ في عمايا = اطارد في سرابك واختفيتي
انا العطشان من يروي ظمايا = مادام إنّك بعيد ولا اهتويتي
وانا المرضان في عطفك دوايا= فخافِ الله في حقّي خطيتي
احبك أنتي يا مصدر شقايا= على عرش المحبّه اعتليتي
ولا فكرت ياغاية منايا= ادور لك بديلٍ لو قسيتي
على عهد الوفا تمشي خطايا= امل في رجعتك مهما جفيتي
تعالي كان في قلبك بقايا = لحبٍ من ضميرك ارتضيتي
تعالي صارحيني بالنوايا = ووش اللي صار يوم إنّك سليتي
ضحايا الحب باسباب الوشايا= واخاف إنّا ضحيّه ما وعيتي