الله يادنيا بها الزين والشين=القى البلا فيها وفيها السعاده
دنيا حلاها مثل سم الثعابين= دنيا لعوب ولاتعرف الركاده
كني اشوف الوقت يلعب بوجهين=ضحكه قليل وزايد به سواده
دنيا تلم ثنين وتفرق ثنين=ولافيه مخلوق يحصل مراده
فيها الامل يبقى على طول بعدين=وكبيرها دايم يدور زياده
وضعيفها حزنه من العين للعين=نومه عذاب وموتته في رقاده
ماهمني نوره وحصه ونسرين=ولاني مولع بنت وهبي وغاده
انا عذابي من عيال السلاطين=اللي لهم ذبح المحبين عاده
الذابحات..الفاتنات..المزاين=ارهن حياتي لو حصلي وداده
بعض الصعاب صعاب لايمكن تلين= الا اذا حملت بفيل الجراده!!
لاتضحكوا في وسط قلبي براكين=وحبل المنيه حول عنقي قلاده
صورة جمال وفي خفاهم (شياطين)=اعني بها من تل قلبي وقاده
(تحياتي للجميع)
س / ص