السلام عليكم
أعتذر لكم عن غيابي اللذي كان لظروف خارجه عن الإراده
أتمنى منكم قبول اعتذاري
قصيده حبيت أشارك فيها معكم
أتمنى أن تحوز على رضاكم
جاني حبيبي يعتذر عن ما بدر=قلت السموحه منك ماجاني كفا
شيمة أمثالك مع أمثالي غدر=وشيمت أمثالي مع أمثالك وفا
مابقى لعيونك السودا قدر=وانا قلبي من جراحه إكتفا
ولابقى لطعونك الجزله صدر=وملت شفاهي تعاتبك بأفا
كل مارفع قدرك الغالي حَدَر=وكل مارفى زلت السانك هفا
ما ألوم الوقت فيني والقدر=وانا حظي مات ماظنه غفا
دام مثلي في حياتي قد ندر=ما أبي هالحب لو هو لي لفا
عيشتي وحدي تحت نور البدر=خير من شمسٍ بتحرقني جفا