الأفاضل والفاضلات
اضيف هذه المشاركه المتواضعه بناء على طلب اخي علي مساعد الغامدي رغم ضياع اكثرها من الذاكره ولعلي اجدها فيتسنى لي فيما بعد اضافة ماسقط من ابيات
عطشان حب ومنك غاية ضمايه = جفت عروقي من تجافيك جفت
ماكان بالهجران هذا جزايه = بعد السنين اللي بقربك تدفت
احلى ليال العمر واول صبايه = وفزات قلبي يوم توك تلفت
تلعب بشلالٍ شجاء الريح نايه = واتقول من غيري له العين رفت؟
والا.. من اللي شفت يشبه حلايه = بين البني قلي: وانا اقول وفت
كل الوصايف وانت للزين أيـــه = ياكاملٍ بالوصف منك استشفت
روحي معان الحب واكبر خطايه = يوم المشاعر للمعاليق زفت
حبٍ على اول طلعته بالبدايه = حبٍ على توه به الروح صفت
.....................................=..................................
لو جيت يمي يامزود عنايه = لو جيتلي لحظات بالعمر كفت
يكفي من اللوعات لحظة لقايه = تسعد بها نفسٍ عن الغير عفت
وعينٍ ترقًب شوفتك يامنايه = من يوم ماعرفتك ما يوم غفت
ذا منتهى الحرمان ساعة رجايه = قصيت شريان المحبه وقفت ..!!
وهذه تحياتي
مع اسمى ايات الشكر والامتنان فائق التقدير واطيب المنى رعاكم الله