اقتباس:
المشاركة الأصلية كتبت بواسطة محمد بن عمار
السلام عليكم ...
نتاج اليوم ... جديد 
هههه كعكة غلا .. للغلا
مشاركة لشموخ اذواقكم ..
غـريزة غـلا
هلااااا بالغزال اللي له الشوق وقادي = غـريزة غـلاه مثبته . في طبايعنا
أنا ما احتمل فرقا الغلا غاية مرادي = ولكن ظروف الوقت عيت تطاوعنا
تصاريف حال الخلق من قرب وبعادي = على ما يريد الله ... ويمليه .. واقعنا
وشوفة حبيبي كلها أفراح وأعيادي = شر ينا رضاه وغالي الروح له . بعنا
على همس صوته قمت مفجوع وأنادي = صدى الصوت قلّب في الضماير مواجعنا
سرت في عروقي نشوة ٍٍ هزّت فوادي = عقب ما تفارقنا .. وهلت مدامعنا
وليلي قضيته .. بين وقفات وقعادي = أنا و السهر والهم . وإبليس رابعنا
أجاوب حمام الأيك بالنوح في الوادي = وطير القماري .. بالنياحة .. يساجعنا
أحاول اسلّي النفس لاشك ما فادي = تخاريف حب ٍ مالها في الهوى معنى
وصارت هجوسي والسهر شئ معتادي = وقالت شياطين الهوى إنبسط .. معنا
نظمت القصيد وجبت طيران وأعوادي = وشالوا . هل السامر . وطربت مسامعنا
ولكن همومي . والتفاكير . تزدادي = ولا لي دواءً .. غير الذي به .. تولعنا
عزيز ٍ وراه القلب مجبور ينقادي = عسى الله على الطاعات والخير يجمعنا
محمد بن عمار
|
لله درك يا اخ محمد بن عمار
نص راقي وعذب وجزل الى مالا نهايه
صح السانك مليون في مليون ولا يكفون..
دمت بخير وصحه وسلامه
ومع احترامي تقبل سلامي