اقتباس:
المشاركة الأصلية كتبت بواسطة الصريح العتيبي
حييت ياشعراّ دعتني قوافيه=وحييت ياصوت الهمام الشجاعِ
بحراّ يموج ويتعب اللي يجاريه=بالشعر واعلوم الوفا والطباعِ
حاولت والا من يحاول يناحيه=أما غرق والا مع الموج ضاعِ
واللي يبي على طريقه يباريه=يصير مثله حاضر الحس واعِ
يسرح مساريحه ويسري مساريه=يصبح بقاع ويمسي ايضاّ بقاعِ
وانا ضروفي مانعتني لاخاويه=بيني وبين ايام وقتي صراعِ
والا القصيد اشتاق واحب اسويه=الشعر اخوي من النسب والرضاعِ
سيل يجيني يدّحم من مجاريه=والمد مدي فيه والصاع صاعِ
اليا برق له بارقّ في مناشيه=يهل هماله وينبت مراعِ
احرص على سبكه وجودة معانيه=وروضه لعكفان الشوارب مشاعِ
فيما مضى واليوم كثرة بلاويه=اصبح طرب والا ضمان اجتماعِ
ياناصر اللي مشغلاته مناحيه=يشعاه من باب الهواجيس شاعِ
خله بحاله لاتهّيض طواريه=يعيش في الدنيا كفاح وقناعِ
بعد رست بواخره في موانيه=عن طيب نفس وعن رضى واقتناعِ
ماله مع التجار سوقّ يحاضيه=ولاله ولاله في المجال الصناعِ
ولاهوب شاوياّ يتابع مواشيه=ولاهوب فلاحّ بحقل زراعِ
شربه من الزمزم وخبزه تكفيه=شبعان عزة نفس فوق الشباعِ
في روضة المسجد وفرضه يصليه=اذعت سراّ مابغيته يذاعِ
والبحر ياناصر مغادر شواطيه=اخذت مجدافي وطاوي شراعِ
|
ابو فايز
شعر ٍ قريته اعجبتني معانيه=ويعجز عن التعبير حبر اليراع ِ
صح اللسان وصح فكر ٍ مسويه= معجب وجيت اخبرك بانطباع ِ
جزل كالعادة قصيدة له رونق خاص
متميزة منفردة بالجمال
صح لسانك وبيض الله وجهك
دمت بخير وعافية