نـجــوم اللـيـل مـاتهـدي دمـاغ الـضايـع المـنـجـوم=وعـفـن الناس مايفـهـم شـروح ايـآت الانفالـي
وقوي الـعـزم مع هـمـه يشيل عـن الكـرام هـمـوم=ويـفـزع سـاعـة الـضـيـقـه قـبـل يـاتـيــه مرسالـي
وموقـف من يريـد الطيـب بعـظـام العرب مـفـهـوم=يشـادي فايـز ابـن هـذيـل مايـلـبـد ويحـتـالـي
وراع الـطـيـب مـيـعـاده يـشـادي صادر الـمرسوم=حـبــالــه تـوردك لـلـبـيــر مـضـمـونـات وطوالـي
ومـن يرضى هوان النفس يـبـقـى دايـمـن مـذمـوم=ولايقـدر بوقـت الـضـيق يـنـقـل زود الاحمـالي
ولا تشـكـي على غـيـرك ولـو تـفــقـد لــذيـذ النـوم=مضى الجيل الذي يـفـزع وراك ويرحـم الـحالـي
الا ياكـثـر مـن يـشكي ويـرجـع بالـنــدم مـلـطــوم=وطيب اللي مضو يـخلف هـقـاوي جـيـلـنـا التالي
وليـت اللي عـجـز يـفـزع يـفـك القـلـب كثـر اللـوم=مـدامـه مـافـزع فـزعـة عـزيـز(ن)تـشـرح الـبـالي
فلا تلـقى مـن الشكوى رفـيـق(ن) ينـصـر المـظـلـوم=ولا انـتـه كاتـم(ن)جرح الخريـف لشهـر شوالـي
واثاري جـيلنا الماضي بـعـيـد(ن)عـن طـبـوع اليـوم=ومن يـنخـى عـيال اليوم يـصـرخ بالخـلا الخالـي
بيوت اهل الصخـى والـمجـد والنـخـوه نـعـاها البـوم=وكان اللي يـقـول الــقـول يـثـبــتـهـا بـالافـعــالـي
واخـبـر الـفـرق مابـيـن النـشـامـا وامـهـات وشـوم=بـفـزعـات الرجال اللي تـخـوض بحـور الاهوالـي
علام اهل الصخى تشمت بحال الـضـايق المهـمـوم=ولا تـفـزع لـمـن يـشـكـي هـمـوم الـوقـت بريالي
ظهـر تسكيـن حرف(ن) كــنـت اظـنـه دايمـا مجـزوم=وجزم الـفـعـل مايـثـبـت ويرسـي كـود برجالي
وعرفت ان الخبر دايـم لتـعـريب النسب مـضمـوم=ومن يـهـمـل خبر كانا خـذى بالطيـب مـنزالي
وانا مانـي مـع الـتـشـديـد مـع بابـن غـدى مـردوم=وكسـر الباب مايـفـتـح قـلوبـن فـيهـا الاقـفالـي
نخـيـت اللي مـهـو فـاضـي ووقـتـه دايم(ن)مزحوم=متى يـفـضي وطول الوقت هـوشـة نصر وهلالي
خطـاي اني جمـعت اللـي غدى عند العرب مقسـوم=وطيـب الجاه مـن عـفـن المـراجـل ماتهـيـا لـي
لـقـيـت الطـيب فـي بعـض الاوادم للاسـف مـعـدوم=وتاريخ العرب صعب(ن)يوافـق بعـض الاجـيالـي
وانـا مانـي بـطـبـع اهـل المـهــونـه والـردى مـلـزوم=فـلا طبـع الـردى طـبعـي ولا المـنـوال منـوالـي
ولا نـاخـذ بـفـزعـات الــمـراجـل لـلـغـــنـاة رسـوم=وفعل الطيب ماتوخـذ عليـه صنـوف الامـوالـي
الا لا بـارك الـمـولـى بـقــرش(ن) كاســبـه مرحـوم=فـلا ذاقــه ولا سـاقـه ثـقــيـل بـوزن الاعـمـالـي
ولا ادري ليش صار القلب بطبوع الجشع مـختوم=ويخـلـف هـقـوة اللـي جـاه يـبـي النـوم بـظــلالـي
مثل سدر الشعيب اللي سقاه من السحاب وسوم=ولا احد(ن)ذاق فـي ظـلـه مـنام وزيـن مقـيالـي
ولا تشره على مـن عـاف مجـلاسـه بوسـط الـقـوم=ويجـلـس فـي ظـلام اللـيـل ينظـم زيـن الامثالـي
يهيض الـجاش من هـمـي بقاف(ن)ساحر(ن)منظوم=وقليل من العرب يـقـوى عـلـى حـرفـي وموالي
بدل مـجـلاسهـم عـديـت راس الـنـايـف الـمـزمـوم=واخـبـر اهـل الـهوى ترقـى براس المرقـب العالـي
مدام الجرح من فـرقـى الحبايب لـلـحـشــى مـحـتـوم=لـقـيـتـه خـيـر مـن دار المـهـونـه عنـد الانـذالــي
سقـاك الغيث ياروض(ن)شـعـيـبـه فـاض لام رجـوم=سحـاب(ن) بارقـه يوضـي عـلـيـه ويـشعل اشعالـي
الا يـا كـثـر مـاجـيـتـه بـقـلـب(ن)ضـايـق(ن)مـضيـوم=اعـلـل خـافـق(ن)يـغـلـي فـيـاض(ن) مابهـا ازوالـي
والا لا عدت يايوم(ن) وقـعـت من الهـوى مصـدوم=اناجـي فـي ظـلام اللـيـل نـجـم(ن) ضـايـحـه مالـي
تبعت اهل الـهـوى ثـالث لـيـالـي عـيـد شهـر الـصـوم=غرير(ن) جـيـت نـار العـشـق وابـوابـه علـى فالـي
غــديـت لـعــيـنـهـا خـادم مـع انــي قـبــلــهــا مـخـــدوم=وذقـت الـلــي كـوى مـهـدي ومـاجـد وابـن هـذالـي
رحـل خـلـي كما طـير(ن)ضـحى الـهـده خـذاه الـحـوم=عـلـى الـلـــي تـقــطـع الـوديـان درهـام(ن)وزرفـالـي
اديــر الــفـــكــر والــخـافـق يـذوق مـن الــغــرام سـهـوم=ومن نـاره غـديـت ازبـن واطـاول نـايـف الـجـالـي
عنود(ن) نظرة عيونه خـطــر عـسكر جـيـوش الـروم=ورمـش(ن) ناعـس(ن)يرجـف بقـلـبـي رجـف زلزالي
عـبرت بـحـور طــرد الـريــم قـبـل اضبط فـنون العـوم=وصار الـخـافــق الـضــايـع لـنـار الــغــيـظ مدهــالـي
الا يـاعـزوتـي روفـي بـقــلـــب الـعـاشـق الـمــحـروم=حـيـاتــه مـن فـقـد عـيــنــك وهـو حـل(ن) وترحـالـي
صـبـرت ايـام والـــخــافـق يـصـالـي رمـحـك الـمـسـمـوم=وضـاع الـعــــمــر ماشـفــتــك على شاشات جـوالـي
عـرفـت ان الامل عـنـدي بوصــلك طـايـحــن مـهـدوم=وذقـت الـنار في قـلـب(ن)جريح(ن)قـبـلكـم سالـي
عـجــزت انـسـاك يـاعـيـن الـمـهـاة بـسـحــرهـا المـعـــلـوم=وجـسـم الـمـهــرة الـلـي مـاركـبـهـا كـل خـيــالـي
وداعـة خـيـر يـازول(ن)رمـى قـلـبـي رخـيـص الـسـوم=حزيـن(ن) يشـتكي جـرح الزمـان ولا لـقـى والـي
تركـتـيـنـي عـلـى جـرف(ن)من الـفـرقـى غـدى ملـغـوم=اراجـي طـيـفـك الـراحـل ورجـلـي فوق الاهوالي
كـتـمـت عـن الـعـرب جـمـرة خـفـايـا قـلـبـي الـمـكـلـوم=غريب(ن)في زمان الـغــدر مع زيــنــيــن الازوالي
الا ياقـلـب لا تـشكـي غـرام(ن) بالـحــشـى مكـتــوم=ومن جـرح الـعـشـيـر اللي مكـانـه بالحـشـى غـالــي