الصريح العتيبي
هـات اليـراع وهـاتـلي نــاصـع الطرس=هـاضت شـجــوني واهـتــويت الكـتــابه
الله يـكـافـيــنـــا شـيـاطـيـنـنــا الـخـرس=اهـــل الـوجــيــه الـمـظـلـمـه والـكــابـه
ليـتـه فـهـم واستوعب الشـاطر الدرس=قـــدام لا تــدعـــس كـــرامـــه جـنــابـه
واليا سقيت الـغـرس يثـمر لك الغـرس=ويـزيـد طــلـعـه مـن خـصـوبــه تــرابه
كفكف دموعـك واقلع النـاب والضرس=وعـجـل بقـلـعـه واسـتـرح مـن عــذابه
رمـاك في هذا الـقـفـص وقتك الشرس=واغـلـق عـلـيـك الكـبـر والــزود بــابه
واللي يحــاول يـهـزم الـروم والفـرس=يحـتـاج جيـشـاّ مثـل جـيـش الصـحـابه
ولو هو بكيفي قلت مثل الجـبـال ارس=وفـرق بـصـقــلاتك صـفـوف العصـابه
واليوم سجنك طال والناس في عرس=كـن ذيــب والا كـن عشــاء للـذيــابـه
كنت أرغب في أختيار بيت واحد من قصيدك لأضعه في ردي
ولكن وقعت عيني على كامل القصيدة لجمالها
صح لسانك ملايين ولا يكفون
ونتطلع لكل جديد ومميز تقدمة
دمت بألف خير