اقتباس:
المشاركة الأصلية كتبت بواسطة الصريح العتيبي
ســـبحان العظــيم الواحــــــد مغــــير الأحوال=مثبت عباده هاــزم ابليــس وجنــوده
لـــــه الأمــــر في تقــــدير الأرزاق والآجـــال=ولا فضل مع فضله ولا جود مع جــوده
ألا يـــــــــا عزيزي صاحب الجـاه والأمــوال= ترى الغطرسة والكبر ماهي بمحمـوده
لعـــــلمك غرور النفـــس ينقص من الرجـَّــال=ترى من يطيع النفس ما يعرف حــدوده
تمشــــيه مــع دربٍ يعـــــــافــونه الأبطــــال= تســـوقه بطوع أمارة الســـوء وتقــوده
وأنا أشره على اللي من حموله وسلك اجلال=يوم انه يشــوف الماكر الشــين ويـــروده
لعــــــلك تفـــهـَّم كلمتي يا وســيع البــــال=تعـــــرف انها من مخلص ٍ جاب مجـــهوده
يحــاول يدلك للســنع واحســـن الأعمــــال =تواضـعك للــي يعـــرفــك كــل مقصــــــوده
على شــــان يبقى ذكر طيبـك مع الأجيال=ترى الذكــر مثــل العمـــر لو غابوا شـــهوده
نصــــيحة محبٍ مـــا يدوِّر وراها مـــــال= يـــدوِّر جــــزاها واجــــرها عند معبـــــــوده
|
العزيز الغالي الصريح العتيبي سلمه الله
لله درررررررررررك وبيض الله وجهك يابو فايز
الله الله عليك اسأل الله ان يجعل النصيحه في ميزان حسناتك
ولافض فوك ايه المبدع
من القلب لك وافر التقدير والحب
تحياتي
مع اسمى ايات الشكر فائق الاحترام واطيب المنى رعاك الاله