السلام عليكم ورحمة الله وبركاته
هذه مصافحة أولى في هذا المنتدى المميز عسى ان تكون جديرة بهذا المكان:
أمشي بها وانا ادري بمنتهاها=وآعـيـش فـيـها عيـشة الزاهد الذال
وآخاف من شي(ن) يجر لبلاها=من يوم كثرت نـاس فاضِِيةَ الاعمال
وآحـس بـالـتقـصيـر ولا آتـباها=ولا اعـطـي الـنـفس الشـقية أي بال
لنني أخاف انـهـا لاذاقـت حـلاها=تغـيـيـر الـتـفـكـير ويـزود الاهـمـال
وآشوف فيها ناس تـتـبـع هواها=هـذا مـع الـتـقـصـيـر فـالـعـم والخال
وناسن غلا هـندامـهـا اكبر مناها=ونـاس كـثـيـر ذنـوبـهـا قـالب الحال
وناسن سعادة مومنن هو عماها=وتفرح لاشافت مـنكسر عقب منزال
وربعن بعيـده مـادري وش حـداها=فـي ذمـتـي والله انـهـا علـى الـبـال
لكـن جـميـل الصـبـر ثـبـت غـلاها=وشين الهقاوي حاذفتها على الجال
وفــي ظـل أحــداث الـحـيـاة وبـهاها=آجــهــز الاعــذار وآزيــد الآمــال
ويالله يا مـنـزل مـن الـسـحـب مـاها=يامجلي الضيقة ويا وجهة الضال
انـك تــقــدرنــي وآجــننـب بــلاها=وآعيش ولا آعرف فاضية الاعمال
وانـك تــقــدرنـي واحــدد خــطـاها=ولا اترك النفس الشقية بلا وال
وسلامكتكم طالت اعماركم