فأّول ليالي شهرنا الهجري رجب=شفت النجوم اللي تجي بالليل تطلع قايله
نقطة تحّول فالمسيره من حياتي تنكتب=والله كريم ولايخيب كل حي يسايله
يوم ان بعض الناس عني فاللوازم يحتجب=مسكين ابو قلباّ كبر قلب النعامه شايله
ماجرب الدنيا ولا فك الطليب من الطلب=دايم وزان امه اليا منه زعل تتحايله
من ينتشلني من همومي يارفيعين النسب= نظرة تعدل كفة الميزان وان جت مايله
ماقلتها للسمسره والا على شان الطرب=هذي حقيقه مذهله هذي حقيقه هايله
مافيه والا فيه منكم ياعزيزين الحسب=من هو يضللني بكلمه عن لهيب القايله