عن علتي لاحد ٍ ينشد=عسى الولي يلطف بحالي
أوردتها للحفظ فقط
أنا اللي شغلني وصف ريم ٍ عليّ أبداه=وصوف النوادر للصقاقير جذّابة
كشف لي الغطا ياليت وجهه عليّ أخفاه=ذبحني الجمال اللي مباديه نهّابة
على سيف لحيه شامة ٍ قرب حلو شفاه=زهاها بياض الخد من قبل تزهابه
وحجّانها كنها هلال ٍ على مبداه=مقاويس فوق عيونها كنها عصابه
وعليها عيون ٍ من نظرها يموت بداه=عيون الوحش لاصار في رأس مرقابه
ولها خشم كنــّه سلّة النافعي ملواه=مقوّس كما منقار حُر ٍ ومخلابه
ومعنق لطيف الروح يفرق على شرواه=كما عنق ريم ٍ من التفافيق مرعابه
وعوده ليان وضامر ٍ حيل في المثناه=ويفرق على الديباج صدره وتلبابه
أنا ويش أوصف جل رب ٍ عطا وسوّاه=جمال ٍ قليل ٍ من مشابه على ترابه
عنود ٍ عشقها خافقي وغيرها مابغاه=ليا جا الذهب باقي السلع ويش أنا أبغابه