[الطائر المهاجر]

الطائر=
خوّة فطاحل بدرب الخير مسراهم= ماهيب خوة مصالح في مباديهم
اخوان واخوات رب البيت يحماهم= درب النقاء دربهم حضر وبواديهم
ربعي النشاما وطيب الأصل ملفاهم= الكل نخوه اذا سمعوا مناديهم
افخر بهم وافتخر وامشي بمبداهم = اركان داري مغيضي من يعاديهم
الصريح=
نحدى هل البوق واهل الحقد نحداهم=اهل الحسد والله إنا مانخاويهم
ابوانس=
لو عرفهم ماحصل الا بملفاهم=جو نقوة(ن)من على الفرّاز ناقيهم
داعي الشوق=
إلنا الشرف يالمهاجر يوم شفناهم = أهل المواجيب والبيرق بياديهم
اهل الوفا والصفا من طيب مجناهم = أيضا العلوم الجزيله من سواديهم
سعيد الصاعدي=
اخوان صدقان درب الطيب ممشاهم= والنذل تلقاه مايمشي مماشيهم
رفيعة الشان=
فطاحل(ن) من عرفهم ماتناساهم=وياحظ ضيف(ن) تقهوى من قهاويهم
واللي بشداته الصعبات ينخاهم =يبشر بسعده طويلات(ن) ذراعيهم
عايض المقاطي=
اللي جهلهم يقول الطيب يشعاهم =واللي عرفهم يسميهم باساميهم
ياسعد حظ الذي فالوقت خاواهم=ما يغبط أهل القصور ومن يواليهم..!!
وبيتٍ بقوله وأنا شاعر من أقصاهم=يفرح فواده ليا من حل طاريهم
الطيب لو هو زعيم القوم ناداهم =لينه ينوخ ركابه بين أراضيهم
عايض ابو شيبه=
فطاحل(ن) واضحن بالطيب منحاهم=ماعاش منهو عن الطولات يثنيهم
صدق النوايا تراها في محياهم=حاضرهم اليوم هو تمداد ماضيهم
على دروب الوفا تمشي مطاياهم=منهو تعرف عليهم يفتخر فيهم

كملوا يالفطاحله......