قصيدة اعجبتني من الفطاحلة
للشاعر عبد العزيز العقيدي
نظرة عيونـك تتـل الـروح تجبرهـا
***وخطاوي الشوق تسحبني لمسحابك
لحظـة وصالـك أعدلهـا وأحسبـهـا
***وأنته ولا كأن مر الشوق بحسابـك
أبعـد سيوفـك دخيـلـك لا تجـردهـا
***مااقوى على حد مسلولٍ من حجابك
قواطـع الشـوف فينـي لا تغـزرهـا
***اتلفت قلب المحب ومرهب أصحابك
فينـي عيونـك دخيـلـك لا تبرقـهـا
***لاطاش رمشك غديت بطارف هذابك
أرفـق بروحـي حيـاتـي لا تعذبـهـا
***يكفي شكيت وبكيت الويل بأسبابـك
دروب عشقـي لقلبـك كيـف أقربهـا
***مرمر فوادي العنا كفّي من عتابـك
سهـل المسافـة بشفـك عـاد مقربهـا
***لو كان بعد العنا يا زين بحضى بك