ياحيلة الله من لي اليوم شكّاي=غير التي صارت هي امي وناسي
همّي ملاها حطّت الرجل مركاي=ويدها الحنونه بلسم(ن)فوق راسي
واكتب من دموعي مع الدم ذكراي=في مشهد(ن)صعب(ن)على القلب قاسي
انقاض بيتي والجثث جابت اقصاي=وشلون ابرقد في فراش متواسي
ياعزوتي ياختي وياكل دنياي=وش ذنبنا وسط الصراع السياسي
الله يقدرني على قضبة عداي=والبسك عقب الفقر تاج ماسي
الفاضل ماجد الزيد.............
ان نقارعك او نجاريك فهذه لم نسعى لها ولن نقدر عليها وانت من انت يمكن وقدرة واحساس مرهف
ولكنك فتحت لنا بابا للتعبير واثرت مشاعرنا باختيارات تستدر المشاعر فشاركنا ببوح صدورنا شاكرين لك سبقك وتمكنك.معتذرين عن القصور