[الأموره]

المشاركة الأصلية كتبت بواسطة سعد الشقحاء

العيد قرب وانت يا زين ويــــــن أنت = لا يمكن افرح وانت دارك بعـــــيده
ولو يفرحوا كل البشر لجلك أحـــزنت = شعري ووناتي عليه شهــــــــــــيده
ومن قبل عيد الفطر من اجلك اعلنت = العيد ملبس له اثيابن جــــــديده
يالغالي اللي وسط جوفي تمكـــــــنت = غلاك متمكن ولا حدن يبــــــــــــيده
لك صادق شعوري بشعــري ودونت = وفيها اراجع ذكرياتن عــــــــــــديده
في ما مضي ما فيه يومن معـك شــنت = وطاوع أظروفك لونها عنــــــــــيده
مابحث عن المدحه ولا قولت أحسنت = أرضيك ورضى بالحياة السعـــــيده
وما قلت لك ظالم ولا قلـــت لك خنت = ومدحي لك اكبر من أبيوت القصيده
لا تقصي اللي مغرمن فــــيك لا هنت = ارفق بحاله كان قلــــبك يـــــــــريده
يا فرحته وان كان في العـــــــيد بينت = فرحته يوم العيد فرحــــــــــه أكيده

من شعري

قصـيدة بها صدق مشاعر