السلام عليكم عليكم ورحمة الله وبركاتهـ
وش اخباركم
الافتتاحيهـ ----> وشسمهـ
بقولكم سلافتي يومني مدري متى ..!!
بما ان الأخ العزيز من يوم كنا بزارين وهو يحب يودينا للبر
واطول روحه معه للبر كانت 4 ساعات اظاهر
الموهيم
كنا كلما رحنا لازم نروح جهة الدبابات
وواحد هندي اول كان دايم ينقي لي احسن دباب عندهم
بما اني اجتماعيه من يومني صغيرونه بسم الله علي
وشسمه
ومرتن من المرارير عندما كنت صغيره
من سنتين او صلاص سنين
كنا رايحين الشرقيه وكان اخر يوم لنا فيها
مرينا أرض تسبييييييييييره وفيها كلها يادبابات ياعربات ومن هالخرابيط
الي توسع الصدر
وبما ان العايله كلها ولاول مره تتحد لقرار واحد
كلهم يبون ينزلون فيذاا
وشسمه
قال اخوي الكبير كل واحد نص ساعه ولا يزود
قال اخوي الثاني ايه انا مابي زياده
قلت انا اصلا بيصير سخيف لو طالت مدته
واختي تقول انا ابي اخيس دباب ماعندي مانع
وانواع النصبات
ويوم وصلنا اخوي يقول وش اطول مده عندكم
هههههههههههههههههههههههههههههه آآي
المهم ويقز اخوي ذاك السوداني الي يقول هذي احسن دبابات
توها جديده تونا شارينها
مع ان كفراتها رايحه فيها
وكل واحد اخذ دباب
وشسمه حتى اخوى ماشاء الله عليه خذ احسن واحد
وشسمه وكان فيه دبابات زي السياره شكلها فيها نفرين جمب بعض
كانت امي وعمتي راكبين فيها
<<العايله كلها مهستره
وشسمه
وكل واحد راح بحال سبيله
وكان المكان مليان نااس
والارض حقتهم مخيسسسسسسه استعفر الله كلها مطبات
وشسمه وادور واناقر بزارين <<ماتقدر الا عليهم
ههههههههههههههههههههههههههه
وعاد بما اني ابصير مصلحه اجتماعيه اذا كبرت
قلت خلني اشووف حال اهلي
وش قاعدين يسوون >>> الله من اللقافه
وبالذات اخوي
<<من كثر عايلتك عاد
ويوم اني التفت ادوره
<<تلتلفت وهي تمشي بالدباب
مالقيته رجعت طالعت قدام لقيت قدامي حفره صغيره ووراها مطب وحفره صغيره بعد
انهبلت ماقدرت اسوي شي
والاي ياعممممممري انا
انقلبت وانقلب الدباب علي
والله حسسسسسيت الدنيا قامت تدوور والاصوات تعلوووو
وشسمه جاء أخوىراعي الدباب وشالو الدباب عني
والحمدلله ماصار لي شي
بس اني قعدت اصيح
والمخيسسسسسس ذا السوداني يقولي عادي عادي اختي
نعطيك دباب ثاني يمكن هذا مو زيين
قلت له اقلب وجهك
ورحت ادور سيارتنا والقى امي وعمتي يمشون
يقولون خلصتي تعالي اركبي معنا
وامشي بدوون تعليق للسياره وقفت عندها احتريهم يجون
جاء اخوى يقولي لاتركبين السياره اصبري
كل ملابسك تراب
وانا شوي وانفجر
قلت له الحين متكسره ومنقلب علي الدبااااااااااااااب
وتقولي خايف على السياااره
عاد انا اذا عصبت عصبت
قمت ركبت و نفضت ملابسي في السياره
وقعدت اصيح
هههههههههههههههههههههههههآآآي
صح انها نهايه حزينه
بس كانت احلا مره اركب فيها دباب
وشسمه
وهذي سالفتي ...
ويله الله لايهينكم
كل واحد يسدح تعليقهـ فيذااا ....
عشان اعطيكم سالفتي الثانيه