[حوريه]

والله سالفتك سالفه ياحوريه
والشرهه مهيب عليك الشرهه على الدباب قصدي على السوداني اللي معطيك دباب ينقلب بسرعه
والا انتي شكلك حريفه ماعليك وماينقصك الا بانشي
ههههههههههههههه
وانا اللي كنت احسبك هاديه وشكلك مايدل على انك راعية دبابات مثل ماقالت اختي الحريفه الثانيه قطره ماء اللي تسوق وهي مغمضه من كثر ماهي مستهتره بالدباب ومن ثقتها الزايده بنفسها خخخخخخخخخ
على طاري الدبابات ذكرتيني بقصه قديمه يوم كنا في المتوسطه
كان فيه عندنا دباب ابو عجلين لاحد العمال وكنا نركبه نتعلم عليه <<<<<<< لقافه ولا وشوله نتعلم
المهم يوم من الايام سوينا بواحد من عيال عمي مقلب يوم أبلشنا الا انا حريف واعرف اسوق احسن منكم وهو ماكان يعرف يسوق ولا شيء يعني بالفصيح خراط برتقال قصدي مشمش
قام وركب الدباب وشغله قلنا له اصبر لاتمشي لين نصلح لك بنص البانزين وفريناه اخر شي وربطنا البنص بلستك وقلنا له عشق ههههههههههه وعينك ماتشوف الا النور ماشفناه من الغبره انطلق مثل السهم ناحية المستودع المشكله المستودع كان مفتوح وبوابته كبيره وكان مليان حديد والات ومعدات والله ستر انقلب قبل يوصل الباب بامتار قليله والا كان هو الان في عداد الله يرحمهم صحيح حصل له بعض الجروح ولكنها بسيطه وبعدها حرمنا نركب دباب عجلين وقمنا نركب دباب باربع كفرات ونفرين ههههههههه زي دباب امك وعمتك لانه فعلا شكله حبيب ولو انقلب فيني كني محول مايضر ههههههههههههه

بانتظار باقي الفضايح هههههه قصدي السواليف
تحياتي

والله الشرهه على الي ما يعلمونا سواقة الدباب

نسوى افسنا حريفين ونسوقه على طول

لا تعال انت وعيال عمك مسوى نفسك مهندس انت وجهك
ألا وش رايك تجي في صناعيه البطحاء ترانا معاملينها بدبابتنتنا وسياراتنا
وخلنا ما نشوف إلا النور ...فيها ونااااسه
سنااعيس لاتعودها مره ثانيه وتسوى نفسك مكينيكى
خلاص عرفناك مشمش على مستوى

اخليك تنتظر باقي الفضايح بس جهز جنبك مناديل
ولا تصيح كثير

الله يوسع صدرك الين يتشقق بالعافيه
وسعت صدورنا