اقتباس:
المشاركة الأصلية كتبت بواسطة سناعيس
الغالي داعي الشوق
كل عام وانت بخير ومن العايدين الفايزين
وأرجو قبول هذه الكيبورديه للدعابه وكسر الرتابه
ياداعي الشوق ياداعي=وش هو علاج المحبيني
نهيت قلبي ولاطاعي=يقول عشقي يسليني
ومن يشري الحب ما باعي=لو مكسبه بالملاييني
مانيب للهرج سمّاعي=مبطي مبطل من اسنيني
ارسل لي الساعي=ياسعود والحب داعيني
بالعيد جدد لي شراعي=وفلّه ولا ادري على ويني
ولاعاد انا منه مرتاعي=لانك خبير وعلى الديني
والحب ياما لكم لاعي=لكن تجاربك تكفيني
وسلامتك
تحياتي
|
هلا وغلا يا بو محمد
وحياك الله وصح لسانك على الأبيات الكيبورديه الجميلة
وإستلم لاهنت ،،
،،،،،،،،،،،،،،،،،،،،،،
حياك يا صاحب الباعي = سنعوس طب المريضينى
تشكي عليّه و مرتاعي = اليوم تبغى المداويني
الحب يشلع بك شلاعى = و انته منول تهديني
متعلق بزين الاطباعي = حنا جميع متساويني
عساه يشفع لك شفاعي = اللي سكن داخل العيني
يا بو محمد بك فجاعي = تشكي من اللي مبكيني
الحب يجبر و مزاعي = ياما من اجله مصابيني
لازم تراعيه ويراعى = والشوق ما بين الاثنيني