ما دمت أنا وإياك في حضرة الشك = النفس طابت والغلا قــدره انــهـان
نفسي عــزيزه واكــرهه مبدأ العك=لو إن طبعي يسمحك بعض الأحيان
بس انتهى يا صاحبي وضعنا الرك=هذا قــراري واقبله غصب يافلان
لا تحسب إنك تكسب الرهن بالصك=مثلي جبل ما هزني قول ذيبـان
العند في راسك مـــع َ الوقت ينفك=والعند في راسي رســم الف عنوان
يا هيه شخصك وضعه الحين منـدك= مثلك يتوب يحاسب النفس ندمــان
وإن ما كــفـاك اللّي كـتبتـه أنا لــك=الزود عندي اكتبك شي ما كـــان
ما دمت أنا واياك في حضرة الشك =النفس طابت وأنت لا شك خسران