سلام يا اهل المرجله والشعر والدر النفيـس=تسليمة(ن)يا اهل الوفا نتعب ويرفـع شانهـا
من هاجس(ن)يلعب فخردايم يقيس البحر قيس=الياضرب وسط البحور يجيب مـن مرجانهـا
يجيب علم(ن)فالربوع يراجعه يـوم الخميـس=ويبني ابيوت العز دايم من علـى سيسانهـا
هذا زمان العولمه والزييف والوجه النحيـس=ومسلسلات(ن)للضياع اليوم جـاء عنوانهـا
كيف ان عنوانه ضياع وصار للقمـه رئيـس=غزون لفانا فـي طريقـه راقصـا شيطانهـا
هذي تراها اشد بتأثير من حـرب الوطيـس=حرب(ن)تدش ابيوت وتقلـط علـى ديوانهـا
مافيه جمرك يمنعه ولافيه منع من البوليـس=مخيلة(ن)ياهـل المعرفـه صامـلا ودانـهـا
دورك خلص ياالبرتقاله وبتديتي يـا لميـس=والناس من سبة لميـس امطلقـه نسوانهـا
المشكله ماهيب فالددسـن وراع الاوتوبيـس=المشكلـه فالحيـه الرقطـا تمـد السانـهـا
قادم ترى خطين بالقـوه بتخطيط(ن)خسيـس=تبني فضيحه والفضيحه خانهـا مـن خانهـا
ماهيب مثل اللي مضا ملبوسها عار اللبيـس=ممكن تشيل امن السفينـه ياعـرب ربانهـا
خطه من (البس )الكبير ايوصله لصغر ابسيس=يبـى يدمـر عالـم دايـم ضعيـف ايمانهـا
لكن( ولم)للحيايـا يارجـل شفـرة امويـس=تقطع بهـا سـم الحيايـا دوم مـع لحيانهـا
هذي نصيحه (للعزوبي)والمطلـق والعريـس=وتشمل على الجنسين والعالم بوسط اوطانهـا
هذا تـرا راي وكـل دايـم ابعقلـه يقيـس=تبا القـراده عانهـا تبـا السلامـه عانهـا
هذا كلام (العازمي)سجلـه ابمسلسـل لميـس=لونهـا مزيونة(ن)مانيـب مــن خلانـهـا