[شجاع عمر الأكلبي]

هذه الأبيات كيبورديّة الآن قلتها فيمن قدّم لي فعل جميل أرى أن أقل مكافأةً له هذه الأبيات علماً أن مابيني وبينه أي معرفه ولا تواصل ولكن الطيّب يفوح طيبه

الذوق منك وفيك ياسلطانة=أنتي قناة له ومنبع جوده
وش ننتظرمن نبتة الريحانة=الناس منها بالشذى موعوده
ذوق وأدب ومعاملة فنّانة=طيبك شملني منه غالي عوده
والنفس لك مادمت حيّ مدانة=عهد ٍ على اللي وافي ٍ في عهوده
يفداك من الخفرات مثل فلانة=اللي مع الشبّان جت تغروده
ويفداك من خالف طريق أبوانه=اللي كما عود البنيّة عوده
وأيضا يقلد للبنات لسانه=والهابية في حاجبه معقوده
ويبكي لياشدوا الرجال بطانه=وعزيل من خالف طريق جدوده
لك التحيّة عد وبل غشانه=وعداد برق ٍ في السما ورعوده