[الـزلـزال]

بسم الله الرحمن الرحيم


كيبورديه حرمت علي النوم حتى تكتمل

أرجوا منكم قبولها كما هي وسامحوني أن كان بها مابها

( ياقلب دز الخط )

يامرحبا ترحيب غالي بتقدير = ترحيب من بين الضلوع النحايف
أغلى من الدنيا وذكر المشاهير = وأغلى من الي داخل القلب نايف
ترحيب يمك ماتعده طوابير = ياصل لحور الأرض بنت العفايف
جتني الرساله وقت ليل المساهير = من شفتها والقلب يطري بخايف
أخاف يلفيني عن الخط تقرير = وأقوم أشد الصوت يم الحسايف
ويومي قريت الخط شفت التفاسير = وشفت الكلام الي نعده بكايف
شفت الفخر منك محرر بتحرير = كنه نسايم من عروس المصايف
ودك نجيب النصح غالي بتصدير = وماعاد نكثر من حنين الولايف
نجيب كل النصح نرمي بتمرير = وأن كان لازم حب نرمي خفايف
والله ماهو بيدنا اليوم وندير = عن طاري الغزلان لو هو كلايف
النصح دايم يرتجي مننا خير = ومثلك يروق النصح لوهو صفايف
لكن بعض الناس يهتف بتكرير = مالك ومال النصح تكفى شفايف
وعودت اجيب الحب ورمي بتصوير= مره يجي لوعه ومره ظرايف
ومرات أزيد الحب لوعه وتكدير = ومرات أقول الحب كل الوصايف
وياقلب دز الخط دزه بتدبير = لم العيون الدعج بنت النوايف
وأذكر ترى زلزال عزك بتقدير = وأرسل معي ترحيب كل النحايف