الله يخلي للجمايل جملها=اللي جميله واضح ٍ بالبراهين
نفسه عزوم وفي المعالي أملها=(ويشيل ماشالت ظهور البعارين)
والله يبعد عن طريقي هملها=وباصون نفسي عن جميع الدواجين
الكذب والبهتان صافي عملها=تجري بها مابين كل الدواوين
ونفسه على درب الفشيلة حملها=وهذي طباع الفاشلين الحقودين
متمدح ٍ في مدة ٍ ماعملها=ودّه يطول بفعلكم يالمسمين
ومدّات غيره في يمينه غملها=عند العذارى شايش ٍ بارد العين