[الأموره]

تخُونْ اليُومْ عِشْرَتْنا .. وتِبَدِّلْ فرْحِنا بأحزان
ويِطُولْ اللِّيلْ في عِيني وأقولْ: الشَمسْ خوَّانه
سِمَا .. وقلبي مِثلْ طيرٍ يطيرْ وفَارِدْ الجنحان
وبَعَدْ مَا طَار لِكْ قلبي تِكَسِّر ليه جنحانه..!
زِمَنْ غيَّر وفا قلبك وخلاكْ الزِمَنْ خوَّان
وأنا اللِّي أحْسِبَه قلبكْ يصُونْ القلبْ لو خانه
أصدِّقْ وإلا ما أصَدِّقْ .. أخافْ إنِّي أنا حلمان
تدُور الدنيا في عِيني وإلاَّ عِيني نعسانه..!