[محمد عبدالله البدراني]

المشاركة الأصلية كتبت بواسطة عادل العتيبي

الجادل أللي تهتوي نظم القوافي والقصيد=غنّت على المسحوب والدنيا على مسحوبها
مجمولتن تبغى الحياة ورمّعة الحظ السعيد=وتسيل دمعتها حزن أليا ذكرت محبوبها
تعيش ليلتها حزن وتصبّر القلب البليد=وأليا أنقضى ليل العنا راحت تحسب ذنوبها
وكل ما أتعبها الحزن ودموعها صارت تزيد=لو أنها تبغى الصبر ما كان شقت ثوبها
تقول وجدي وجد من غنّت على خضر الجريد=وياوجد حالي وجدها يوم العرب قفوبها
زرعتها في داخلي وأستوطنت وسط الوريد=هنيتها بأسلوبها حتى عشقت أسلوبها
في خدها كلمة هلا وفي عينها شي(ن) فريد=والناس من كلمة هلا تقدر تخطف قلوبها
وفيها جمال(ن) يجّعلك تقفي من الدنيا زهيد=كانّك تناضر للقمر / والشمس وقت غروبها
أتلى رسايلها لعادل وسط صندوق البريد=غابت وغاب أللي حضر معها ومع مندوبها
لو قيدتني بالغلا ما قيدتني بالحديد=وأن كان عيبي قيدها انا عشقت عيوبها
من بعدها عايش لحالي وسط هالعالم وحيد=كني لحالي بين سكان البلد وشعوبها
وترى المحبة جرحها لو طاب لا يمكن يبيد=من هازها لازم يضيع ولو يدل دروبها
بالله منهو بالمحبه يالفطاحل مستفيد=من المحبة كل خلق الله تحك جنوبها

العزيز الغالي عادل العتيبي سلمه الله

الف الف مليون صح السانك


وين تغيب انت يارجل

والله لك وحشه ولحضورك نوووور يفيض باالسرور


لله درك لله دررررررررررررررررك



تحياتي

مع اسمى ايات الشكر فائق التقدير واطيب المنى رعاك الاله