[ابو أنس]

البرق من قبله تكاشح وهللت=ثم انتظرت رعودها ترزم ارزام
قعدت ادوّر لي ملاذ وتجللت=سمعت صوت(ن)يشبه اصوات الانغام
يوم انتبهت وللحدث زين حللت=اثري بوسط السوق بايع وسوّام
مما دهى عقلي وقلبي تهوّلت=السوق مغلق والبشر كوم وزحام
وش لون ينفذ لي سنا البرق ما اذهلت=ولاني مريض ولاغشا عيني عسام
سبحت في بحر الهواجيس طوّلت=ثم انتبهت وهاجسي كنه احلام
يومه وقف لي وابتسم طاح ما اشتلت=صرت ابتسم واضحك واكركر ومـ انلام
موقف مثير ومذهل وما تحمّلت=مفاجأه غطّت على عقلي وهام
تاج الحيا منّي انكسر ما تجمّلت=نسيت نفسي والبشر عندي اكوام
أديت له أقوى تحيه وما اغفلت=سلم العساكر في تحيات الاعلام
ثم صحت له ياسيدي تم واكملت=أمرك وانا رهن الأوامر والاحكام
باهي الحسن عذب اللمى لك تنازلت=عن قلبي اللي ما سمع فيك لوّام
خله معك ضمن المقاضي والى اقبلت=على المكان اللي تحط ابه الاجسام
ارفق عليه وضمّه ولن تعللت=خل الشفايا تلثمه قبل متنام

سعد 28/10/1429هـ