خافقي يعـلـم الله سابـح(ن) في هـجـوسه=من هـمـوم(ن)تزوره كالـجـبال الرواسي
ويـش اسـوي بـنـاس(ن)حــاربـتـنـا نـفـوسه=لا سـقــى الـلـه زمـان(ن)بـالاجـاويـد قـاسي
الـلـيــــالـي رمـتـــنــي فـي مـرامــي نـحــوسه=عـند نـاس(ن)هـروجه كالـقـذايف براسي
اصدروا حكم سـجني في غـيـاهـب حبوسه=وحـطـوا الـجرم خـوضـي بالـمـجال السياسي
والله انـي بـعـيــد(ن)عـن رمــاحــه وقـوسه=ولا دعـمـنـا كـتـايب فـتـح والا حـمـاسي
ولا طردنا الـعـسـاكـر بـالـخـلا في جـموسه=ولا رفـضـنـا تـصـانـيــف الـعـرب والـجـنـاسي
ولو عـطـيـتـه فلوسي يـجـمعه مع فلوسه=او عـطـيت الـذبايـح في كـبـار الـتـبـاسي
الحسد راح يـبـقـى بالحشى تـقل سوسه=وان سـمع مدح غيره يـبـتـدي بالعـطـاسي
لو كتـم جـمـر قلبه راح تسمـع ضـروسه=من جـحيم(ن)بصدره مثل طق الـنـحـاسي
ماتزيل الـخـباثـه من دواخـل نفوسه=لـيـن يرمـيـه ربك خـايب الوجـه خاسي
وكل جرح(ن)يـهـون ولا شـمـاتة نـجـوسه=في كـبـود النـشـامى كـنـها طق فاسي
والنـشـامى بوقـفـات المراجـل تسـوسه=ولا تـفـيد الـمـراجل مع فـروخ البساسي
وصار حظي عـثـور(ن)مـع مغـثـة هلـوسه=تـقـل يـضبط مرامـي حـربـته في مـقـاسي
مايرد القذايف خـنـدقه مـع تروسه=ولو نـشـد الـقـواعـد في بـلـوط وكراسي
وان دفـعـتـه رجع لي صافرات(ن)عكـوسه=وانسـدح عند بابـي بالـجـواتـي يداسي
ان تقدم دقايق يـفـجـعك في نكـوسه=وان وقـف طـاح ماهو بالـمـطيح متواسي
الـنـفـود الغزيره يـنـعـثـر في طعـوسه=ولا يـحب المساري مع حـلـول الدماسي
لا مضى اللـيـل يرسل للـضـمـاير عسوسه=لاجل تـجـتـاح فكري بالـعـمى والعـمـاسي
من عـنـود(ن)رمـتـنـي بالـهـوى تحت موسه=لـيـن بانـت جروحـي بين ربـعـي وناسي
بالوصايف قـلـيـل(ن)بالعذارى جنوسه=بالـمـيادين تـضـمـن كـسب درع(ن) وكاسي
له عـيـون(ن)كـسـتـها بالـمـشاعر نعوسه=باسها بالـحـرايـب والـسـعد فوق باسي
وصارت الناس تـبـذل نـصـحـهـا مع دروسه=عقب ما صار جسمي طـايـح(ن)بالـمحاسي
وقـمـت اصب الـقـوافـي في مـثـاني طروسه=اشـرح اللـي رمـانـي بالـقـهــر والمـآسي
ويل قلب(ن)عشيره غـايـبـات(ن)رموسه=خوف قلبي غـيـابـه كالـقـرار الرئـاسي
ولا تـفـيـد الـعـذارى مع نواعـم حسوسه=دام قلبي غـريـق(ن)طاح ببـحور ياسي