ياقلبي اصبر على اللوعه وطول السهر=لابد.. نورالفجريجيك عقـب انتظـار
مابه ظـلام ٍ يجـي الا وبعـده سفـر=ومابه سفرطال .. الا ّ بظلام استـدار
لا..لا..تحسف على الماضي وهذا قدر=مكتوب ٍ لك العنا تعيش في وسط نار
لا..لا..تولع بمخلوق ٍ بطـول الدهـر=الحب بلوى مايعرف لاصغار وكبـار
مافيه من يستحق اتعيش عمـرك قهـر=وش فادتك طيبتك مافادكثر اعتبـار
ياقلب لازم على الدنيا تعيـد النظـر=وكل ٍ يجازى على فعله بطيب اختيـار
والهرجه اقسى من طعون الخوي بالظهر=لاجات هرجت خبل من دون فكر وقار
خاو الذي بالمراجل شيـخ ماهوبـزر=من لابةٍ فعلها معروف وضـح النهـار
قرم ٍوبن قرم طيبـه اعتلـى واشتهـر=حاز المراجل بفعله من يميـن ويسـار
ولاالردي عزنفسك عنه قربـه خطـر=والاجرب اجرب يعادي من يجي فالمسار
ياقلبي افهم وخلك طول وقتك حـذر=نصيحتي وانت كيفك اعتبرها انذار !!