[الصريح العتيبي]

رحت اعالج عند دكتور السنون اسنوني=واعترض لي عند باب اعيادته حوريه
فتنةّ منها يضيع المغرم المفتوني=درةّ مامثلها في الكوره الارضيه
شفتها لكن ماصدّقت شوف اعيونـــي=واسلبت مني جميع الفكر والحريّه
ياطبيب الضرس هيّن شف اعلاج اطعوني=كان عندك للطعون اعلاج عاين فيّه
ياطبيب اللي على ارواح البشر ماموني=علموه يعامل الشيّاب بالحنيّه
لايصير الله يجّنبه الخطر فرعوني=ويتلاعب في عقول الناس روحه جيّه
والسهوم اللي مواقعها وراي ودوني=الله يعدي فوادي روسها المبريّه
من يوقّع في فواده سهمه المسنوني=يعتبر نفسه من احساب الضحايا اضحيّه
قلت بعد اليوم لاخطبه ولا ماذوني=كيف اعدّي من اسهوم النظره الشرعيه