اقتباس:
المشاركة الأصلية كتبت بواسطة فواز الغسلان
سـحـر الـمـهــا فـعــال والـقلب مفعول=يسري بلا تـفـعيل شين الفعايل
وهجر الـهـوى سلال في ماضي القول=وهرجي مـهو تـمـثيل والا هزايل
لـو كـنـت بـأم وعـال والا بكـابـول=ياتيك مثل السيل فوق الطوايل
والا كما الـشـلال لا فـاض بحـزول=ولو تشهر الدربـيـل شفت الهوايل
ورمح الجفى قـتـال بالغبن مـشمول=وبالجرح والـتـعديل حـطوه صايل
ياما غـدر برجال وعـيـون وعـقـول=وهـذا عـقـاب الخـيـل قـافـه دلايل
وانا سعيد الـفـال مع كل مسـؤول=وبلـهـجـة الـتـقـبـيـل ذقـت الفشايل
ياما سريت اميال والعقل مذهـول=وصارت وعــوده ريـل ماهي صمايل
كان الوعد شوال والفكر مشـغـول=والـيـــوم راح ابـريـل والـبــرد زايل
ولو الـغـيــاب هلال يانـاس مقبول=نصبر على التـاجـيـل تحت الـقــوايل
بس الوعود طوال والصبر للحـول=وصعب تشيل الشيل لاصار مايل
وخلي وسيع البال والرمش مكحول=زيـنـه مـهـو تـجـمـيـل والا هـمـايل
يشبه غـزال الـجـال يـزهـاه مجـدول=تل الحشى بالـحـيـل ظـبي المسايل
كان الـمـهـا بـظــلال والـخصر مفتول=تزبن عـن الترحـيل ظـلـعـان حايل
قامت تـهـد الحـال وامسيت مسلول=ونـقـص العرب للكـيل مابـه جمايل
وان كان حظي مال فالطيب مامول=مـحـد(ن)لقى التعـليل بين القـبايل
دامك رمـيـت الشال يازاهـي الطول=وضاعوا عيال الجـيـل عند الجدايل
تـــر خـافـقــي زلـزال والقلب مجطول=من ريـحـة الـمـنديل ذقت النكايل
وطبع المها محـتـال والـهـرج معـسـول=وعـهــودهــا تـضـلـيــل والا دغــــايـل
ترسل لك المرسال بحروف مـحـمول=وتـبـداك بالـتـبـجـيـل عـبر الرسايل
وتـغـريـك بـالأمــآل والـربــح والـنـول=وتـاعـد بـقـال وقـيـل وقـت المخـايل
وتـفـجـاك بـالـتـرحــال والدرب مجهول=مـدري لـشـط الـنـيــل والا محــايل
نومك تحـت طـربـال والـقـلـب مقتول=ولو تـطـلـب الـتـبـديـل ما له مثايل
تـسـهـر عـلـى الـمـوال والـراس مقمول=من قـلـة الـتـغـسـيـل عـنـد الـثـمـايل
|
الله الله
نص ملئ بالجزاله كالعاده
صح السانك يا اخ فواز.
قاموس مواقع هذا النص ما شاء الله عليك.
انشهد انها قصيده رائعه.
دمت بخير ولا هنت يا الغالي