[نجم الإبداع]

المشاركة الأصلية كتبت بواسطة موج القصيد

قصيده اطرحها
علها تلامس فيض المشاعر
وترتقي لذوائق

زادت هموم القلب وغشاني الياس = ما عاد لي في الحب عزمٍ وهمه
تراكمت كل البلاوي على الراس =والقلب ما حصل خفوق يضمه
فقدت احساسي بصدق اقرب الناس=عرفت اني في الهوى ما اهمه
وكثرت طعونه كل ما هب نسناس=والقلب بسبابه غرق وسط همه
كنت احسب ان الحب مبني على ساس =وقدمت قلبي دون عهدٍ وذمه
اعطيته اشواق الغلا وصدق الاحساس=ولا رد لي الا طعونٍ ملمه
ما عاد يعنيني ولو كثْر بِ الباس = وبتحمل اوجاع الليال المطمه

موج القصيد

المبدعه

موج القصيد


صح لسانك على المصافحه الراقيه

ابدعتي ياشاعره

لاهنتي

تقبلي مروري

وتقديري