اقتباس:
المشاركة الأصلية كتبت بواسطة عبدالعزيز إبراهيم المنصور
قالوانسيته قلت أنا العام ناسيه=واثري وهمت بخافقي ماتناساه
أحاول انسى لكن الوقت يطريه=يطريه قلب ٍ لاطرى له تمناه
دار الزمان وجار بأقسى لياليه=جار وجرحني جرح بالقلب وادماه
أنا عشيري ماطلبني ابعطيه=واعطيه روحي غايتي اكسب ارضاه
إحساس ترجم لي يبيني اناديه=وزعجت له بالصوت والصوت ماجاه
لاشك خلي مبعد ٍ في حراويه=أصبح بعيد وصارصعب ٍ ملاقاه
والنفس شاقت شوقها لو تلاقيه=واشوف حالي زايد الشوق عناه
مايدري إني في منامي اناجيه=ولايدري عن موق ٍمن أجله ذرف ماه
اسمع يازين اللي همومه تباريه=اللي ضناه البعد واشقاه واظماه
عود ترى هالحمل ماعدت قاويه=ارجع نعيش الحب والهم ننساه
|
عود ترى هالحمل ماعـدت قاويـه
ارجع نعيش الحـب والهـم ننسـاه
الاخ عبدالعزيز ...صح السانك يا الجزل
قصيده رائعه وجزله
لاهنت وكل عام وانت بخير