ناداك خلك قال بعدك ما طيقه=والوقت في بعدك فلا عاد ينطاق
من زود شوقه جف دمه وريقه=وفي داخله يلهب سنى ضو براق
من اولٍ كانت غصوني وريقه=واليوم يبس الغصن من زود الاشواق
الوقت جاير والقساوه تعيقه=والوجد يحرق قلب مغليكم احراق
ادري بحبه لي وهذي حقيقه=لكن ربي قسم اجال ورزاق
خلي يبي وصلي بايه طريقه=وانا ابيه بصدق وجلال واشفاق
قدم لي اوعود وعهودٍ وثيقه=ويحلف بمن سير مجرات الافاق
ورموش عينه من دموعه غريقه=والروح وصلت يا مخاليق ا لارماق
ما غيره احدٍ شدني في بريقه=ملك خفوق فيه مبلي ومشتاق