[عبدالله الشويمان]

المشاركة الأصلية كتبت بواسطة ماجد حمد الزيد

لا تنتخي يابنت مامن رجوله"=صوتك عليهم مثل ضرب الخناجر"
المعتصم مشلول عرضه وطوله"=ما فز لو طشّت دماها حناجر"
يبطي فلا له بالميادين جوله "=خلّيه يلبس في يديه البناجر"
وحنّا شبعنا كر من غير صوله"=الشّعب حربه قرقعة بالطناجر"
مْظاهرات بْكل دوله ودوله" =تنديد ماهو جْهاد ذاك المهاجر"
يا بنت نادي من تلبي خيوله"=اللي يجيلك بالرّماح الشواجر"
والله لياطاهم وطي في رجوله"=(ا)وْالله لينحر كلْ خوّان فاجر"
صيحي على المهدي قريب ٍ وصوله"=في ثلّة ٍ كالبُخْتِ وسط الدياجر"
نجمه على ونجم الكفر في أفوله"=والله لينزل بين مسقط وساجر"
ولاّ العروبة مالها من حموله" =لا تنصر ضعوف ٍ ولا هي تشاجر"
ورْجالها أشباه بنت ٍ خجوله"=يسعد محاسن زينهم بالمحاجر"
يابنت صوتك لارتفع ما وعوا له"= حتّى البياجر قفّلوا للبياجر"
شوفي لك الله سوقهم شرّعوا له" = نصف العرب حمّال والنصف تاجر"
لا تنتخي مهناش أيّة رجوله" =حنّا صغار كتوف والراس آآآجر "

صح السانك يا ماجد

وصدقت فيما ذكرت

يا الجزل يا الشاعر الفحل

دمت بخير ولا هنت يا الغالي