[سعيد الصاعدي]

تدري اصعب شي لايمكن يكون=ان قلب مولعك يعشق سواك
وتدري ان الروح من شانك تهون= لوطلبت القلب خلي قلت جاك
ايه كلي فيك مغرم يافتون=من هناك اليا هناك اليا هناك
الغلا والعشق فيني يكبرون=ياهناك بقلب ميت في هواك
لو تجي والخلق كله يزعلون=ماعلينا دام حققنا رضاك
انت فيك اشياء تنذر بالجنون=في شفاتك ويل وبخدك هلاك
شفت موتي مختفي بين العيون=وشوف فكري تحكمه همسة شفاك
لاتطش الشعر من فوق المتون= ولا تحفر قبور غيرك في خطاك
لامشيت ارفق على العالم بهون= لاتخلي الناس تبكي من وراك
لاحكيت الناس غصبا ينصتون= وان سكت الكل يبحر في سماك
(جابر الشعار ) فيكم يكتبون= وانت وحدك شاعري لافض فاك
لاحظرت البيض غصبا يختفون= القمر والشمس غارت من حلاك
طبعك وزينك كثير يفرقون= عن جميع الخلق تفرق ياملاك
يانكون ثنين , ولا ما نكون= ويستقر الحال من عقب ارتباك
وتعتقين القلب من ذيك السجون= قالها من باع ناسه واشتراك
قول احبك كون لي صدر حنون= وهاك كلي ياجميل الوصف هاك

(تحياتي للجميع )
س / ص