صدقوني يوم اشوف اللي عليها الستر ضافي
افتخر فيها ولو مدري مـن ايـات القبايـل
ذيك بنت الأصل والمدلول مافيـه اختلافـي
ما اقول الا ترى هاذي كما الخيل الأصايـل
اشهد إنه من وراها وافيـن لاقيـل وافـي
اشهد إنه رجل والرجـال يعـرف بالفعايـل
عكسه اللي تاجده هافي ليا من قلـت هافـي
لا لمحت لزوجته تمشي معه شفت الدلايـل
جسمها كاشف وملبسهـا دليـل الأنحرافـي
والبلا في زوجها اللي مالقـا عنهـا بدايـل
لانصحته قال مابه يارجـل غيـر العوافـي
دامها تمشي معي ياصاحبي فالشـك زايـل
اشهد إنه من كلامه مادرى ويش الخوافـي
يا حسافه كن ما لأهله رغـم وقفتـه عايـل
فرق بين الماء ليا خذته وهو من نبع صافـي
صح لسانك مليون
ابيات هادفة والله صدقت اخى
سلمت ودمت بخير