[الطامي]

المشاركة الأصلية كتبت بواسطة ناصر عبيد الهواوي

ياقلم سر وأكتب القاف بالوزن الصحيح=لأجل من دور مناقيد ما يلقا لها
شامخة ما ينتقدها المهاجر والصريح=لين يثبت في مدار الجدي منزالها
لاتضرا للكسل كلما شلتك تطيح=خل سنك كل كلمة تجي يبرالها
ويالساني ترجم الهمس باللفظ الفصيح=وإنقل الجملة كما أوحيت قلبي قالها
ويا خيال إسبح مع الفكر في بحر ٍفسيح=والصحاري دج مع إسهولها وجبالها
لاتصدق قول تبع ولا منطق سطيح=إن عرفت أم الكباير هذول إعيالها
لا تجاملها تراها العويرا والنطيح=شلة الشيطان ياجعل بقعاء فالها
وكان مرت رحلتك بك على دار المليح=طمن القلب المشقى بها عن حالها
أرسل الأخبار بالفكس للقلب الجريح=عل عيني لاأطمأنت يقف همالها
لاتجاملني بعلمك عنه خلك صريح=لو تنثر دمع عيني يصير اشوى لها
البكاء من ضيقة الصدر والحرقة يريح=وكان عينه دمٌعت قول عينك مالها
وإن سأل عن حالتي قل غدا مثل الكسيح=من نحت دارك عنه حالته يرثى لها
كل ما تطري على خاطره عده يصيح=وكل رتبة عالية بالتوجد نالها
من كثر كتم العباري بصدره له فحيح=خوف فرسان النمايم ترز أذيالها
ما يطيع الشور فيكم ولا نصح النصيح=وقفل إذنه لاتسمٌع حكي عذالها
مثل مانت بوسط قلبه تربع واستريح=وإن بغت بالعين أحط الجفون إغطالها
والتصنع بعض الأحيان مكروه وقبيح=كيف انا اروي قصة ٍ ما عرفت أبطالها

الهواوي
صح السانك ملايين اخي
ماقول الا ياليتها مني هذه القصيد
الله يبيض وجهك على المعنى والقاف
شكرا لك