طاوعي ياحروف الشعر واشجي كل راسٍ معَ راس الكياسه=وانثري الورد والريحان وازهار الخزاما على ربعي وناسي
وصلي للهواوي العلم وافي مايشوب المغثرب يوم كاسه=علم صافي من الياقوت بنيانه وجوهر وبينه ضو ماسي
ابدع الهيض من هاجوس عناني وماضدني غير انغراسه=يوم ناضت بروقه شاقني وبله وحنيت للفصل الدراسي
بحر زاخر بمرجانه وبه لؤلؤ صعيبٍ على العالم قياسه=جيت شطه لقيت الموج عالي مايغوصه سوى راعي المراسي
عل ناصر ضماء من غبته والرمي صايب وماجاه انتحاسه=مير بعض النفوس الحايره جاها من الرمي روعه وانخراسي
علتّه شوف حيرني وسوى لي في الراس رجه وارتكاسه=لاتحطم جميع الذكريات الي بها!آعيش وتزيد المآسي
ماشرينا ولا بعنا ولالي غير وجهة نظر ماهي دفاسه=والذي ينقلون الهرج عصبة شر جاهم من الغيّ افتراسي
جعل راعي القفاء بالنار تحرق جبهته هو ويا راعي الخساسه=وانت تكرم عن اوصاف الردى ياصاح والغوّل واهل الارتجاسي
لو مدحناك ماهي خوف والا طمعةٍ او من الحرف التماسه= وانت شاعر بديع النظم مثل سهيل والوسم متعلي وراسي
ياجبل ماتهزك ريح لو مالت حمول العرب بين الوناسه=والقوافي على الطاروق والعربان تطلب من القاف التماسي
لو توجدت والا صحت بين الناس مافاد كلٍ بانغماسه= والليالي كفى الله شرها بين المقادير مادامت لقاسي
كل مخلوق بالدنيا وجد رزقه على الله وهو كافل لباسه=يالهي طلبتك جد علينا بالرضى واجعل التقوى لباسي