تمت هذه المحاورة بين فلاح والطائر قرب عصر وبعد عصر السبت 12 صفر 1430
الطائر=
فلاح وش لك بعجايز حولا وعوراء=لاتسمع لهن ترى توجعك آذانك
فلاح=
ياصاحبي خايف انك تاخذ الصوراء= ياعود عطفك عليهن وارخ نيشانك
الطائر=
مانيب اجمع كمخ ولااحتاج للشورا=خلك معاهن وتكفي شر شيطانك
فلاح=
انا معك وانت لك تاريخ مشهورا= فخلنا اصحاب واحفظ عني السانك
الطائر=
انا اداعبك والعب معك بالكورا=اشوت وانته ترقد عند بيبانك
فلاح=
اخاف هذا الغسيل يصير منشورا= والا فباشوت يابيليه باقوانك
الطائر=
انا المدرب احطك وسط نافورا= حتى تجيد السباحه تسبق اقرانك
فلاح=
الجسم ناحل ومني العظم منخورا= فلا تعاملني بسيات جيرانك
الطائر=
لكن بك الشر في الأعصاب محفورا= ياليت اقرا عليك بآي رحمانك
تحتاج جزوين ومعهن لو بعض سورا= وختامها بالفلق تتشتت احزانك
فلاح=
باجيب لك فل بين الورد منثورا= واخذك في رحلةٍ وانسيك قرحانك
واقول هذا الفتى من دار بن نورا= شوفو جماله واسوي كل اسنانك
لاتتهمني بجرحك وانت مقهورا = ساعه تغني وساعه تنثر اشجانك
الطائر=
احسبك عاقل ووجدتك ضب مطيورا=متدودلٍ في ذنب ناقه من لغانك
فلاح=
ربيت دقني وكني صرت مسعورا = احب جمع الدراهم واكسب رهانك
باقراء على العجز تبت وحفظ الطورا= واجيك واقراء عليهن وسط دكانك
الطائر=
دقنين عندك ولا تحمل لباسبورا= تحتاج مره تسبح وسط خزانك
فلاح=
توعد وتخلف وكنك وعد بلفورا= من يامنك راح فيها بين قنانك
الطائر=
منك اتعلم دروس الظلم والجورا= لكن قلبي حنين يرفض اعلانك
فلاح=
طبيت في غبتك يابحر مسجورا=يابحر لاتلتهمني بين شطأنك
الطائر=
تحسبك تاصل درر وغرقت بالغورا=منتاب سباح ضب بدون جنحانك
فلاح=
انت المعلم لدرب الشر مسرورا=وانا مغير اتشمشم ريح شكمانك
الطائر=
تحتاج سباك يلحم فيك ماسورا=يخفف صداعك ويصلح مزعج الحانك
فلاح=
باحملك ياجمل بالفين قنطورا= اما طلعت السنود او شفت قيعانك
الطائر=
اقول اركد ترى بعض الحكي عورا=وانت بمطبك وقعت بزلة لسانك
فلاح=
ياصاح ماني من اهل الكيد منجورا = مثل الجبل ماتهزه ريح بركانك
الطائر=
تدور شكامين وش باقي من الخورا=اية جبل وانت ماتدري عن اركانك
فلاح=
انا ركبت المخاطر دون ماحورا = وصرت بين العرب منبوذ من شانك
الطائر=
ماينبذك حر لو شيهان وصقورا= ما ينبذك غير بومٍ ذاق حقرانك
فلاح=
لالاتحاول تراني منك مسحورا= من ورث خلوه لك بالحصن جدانك
دكتور مايشبهك بالارض دكتورا = وسيع صدرك وتتحمل لخلانك
ماودي امدحك لاجل المدح مبتورا= لكن بعض الحقائق فيك برهانك
الطائر=
الحق انك رجل ما دست محذورا= لكن طيبتك مدخل بعض عدوانك
فلاج=
سلمت ياصاحبي والعلم مقفورا = والي رمى بالقفاء صوبه بابنانك
الطائر=
لايخدعك من تبسم بأطيب الصورا=ولو سر لك كاذب فاحذر لصدقانك
فلاح=
ماني من الي يطاوع ناقل الزورا= يكفي ضميري ولايخفاه حنّانك
الزرع ماينشرى لاصار منقورا= تنفل كل الحدايد تحت طرقانك