[عرق الماس]

المشاركة الأصلية كتبت بواسطة الطائر المهاجر

الطائر=
برحي وحافي يوفر في نعاله=لو مشى في القايله مدة طويله
داعي الشوق=
هذا الكلام اللي سليم من المياله = قالها الحربي ويشكر كل ليله
الطائر=
يكتفي باكله بخبرٍ من نخاله=وجبة في اليوم لو يحرم قبيله
كل همه كيف ما يصرف رياله= لو كسب مليون قال انها قليله
لاشرى ارخص تمر امن الحياله=يلمعه ثمن يغشك لو خليله
دام مثر فيك في شعر ومقاله= اعورٍ يمشي مع الأعمى دليله
الطامي=
انت خلك يالطوير ولك حباله = انتبه منها ترى مابه وسيله
الطائر=
فيك نحس ولوتبي اقرا البياله=واعرف الأسباب تركك للفضيله
من يحسب انه ذكي واعزتا له=احمق والنار تحرق في شليله
الطامي=
انت طاير قمت ترثع في عجاله = تصطفق وتقول من يلقى العبيله
الطائر=
كل نجمٍ طاح جاب الله بديله=والبقاء للي سبق جيل بجيله
الطامي=
احمد الله نجمنا جاء بتهليله = من توالي الليل قبلها تعليله
البدراني=
يابو عبدالله ترى الدعوى سهاله = لاتولع نار ها براس الفتيله
الطائر=
اضبط لقافك ترى قافه ب "آله"=وانت جبت العيد ناتدري الدليله
الطامي=
يامحمد اتركه هذا مجاله = يبترم في ملعبه تو الحليله
اتبعك يالعود حال باثر حاله = يوم بدلته فانا اتبع سبيله
البدراني=
من يضيع خطته واعزتاله = واشهد ماعاد لي بالامر حيله
الطائر=
المدينه حققوا بامر الفشاله=وجابوا المقرود من رضي الفشيله
يحسب انه صاد فرخ في خياله= واثره المصيود من ارقى قبيله
الطامي=
احمد الله روسنا فوق المقاله = ونت خلك حولنا فول اتهليله
الطائر=
اشهد انه راح وطي لامحاله=ينتظر يومٍ غبر فيه النجيله
البدراني=
ماتساوا الرجل باليمنى وشماله =احمد المعبود بيين للفضيله
الطامي=
لاتحكم في وضعنا وش هالعجاله = الركاده طيبه ماهي محيله
يوم كلٍ قام ينضر في خياله = يحسب العربان مثله عزتي له
الطائر=
من قرب فم الأسد واعزتاله= نهشته تكفيه ينسى من عياله
الطامي=
اثرم بالسن والعمر بحواله = والعظم منهوش من جور الحليله
الطائر=
من جهل دور المدينه في الختاله= مطفي نوره وساري وسط ليله
الطامي=
ياغراب البين كنك في حصاله = بالع الحكي وغادي في مسيله
انت عود ماتفيد ولاش ناله = ماتجيب الفود وتهد الحصيله

حضرة الطائر...

محاورة بين الفطاحله..جميله..

مع أني لم أفهمها كلَّها..

إنًّما انشاء الله سأحاول التعرف أكثر على تعابيركم...

دمت بكل خير..