[منصور العبدالله]

ورقه قديمه للتواصل
اتركها لكم ولى بياض قلوبكم

جتنى ضما خيل القوافي مغيره=اطلق رسنها لك على كل موال
لا جت وساجت فى خفوقى تديره=وجالت صحاصيح المعاليق تجوال
اسوقها بخطاي فى كل ديره= واضوي.. بها جرح المعاليق نزال
وارزم خيال الهم وارسي حصيره=وأرعد بصدرا(ن) خاويا(ن).. ما بعد سال
وتصافقن شعبان صدرى بغيره=تنثر هما ليل... العنا.. سقم.. و...أهوال
والقلب جاوب صوتها فى هديره=يقنب قنيب الذيب ضاوى و رحال
وهاضت مشاعر خاطرى مستجيره= زل الفرح عنها والأحزان تجتال
يقتادها.. لليل العنا... فى مسيره= يقطع بها شعبان وسهول واجبال
وجرح الندى يصلى بجوفي سعيره=وتحيا به أوهام جديدات وسمال
ما يبرى كسور الخواطر جبيرة=وما يندمل جرحا به السقم قد طال
يا عابثة بالشوق شوفي كسيره=يجمع خطايا الوقت من حال فى حال
شوفي براهين الألم مستزيره=ترقص طرب فى داخلي فن واهبال
منها معاليق الحشا مستضيره=ضاق الصدر من جورها كل ما حال
ياعابثه وأشواق قلبى ضريره=ترجى نهار الكون لو ليلها طال