[صنداح الزلامى]

السلام عليكم ورحمة الله وبركاته

اول ما يجي طاري الكفالة في مجلس الا على طول ترتفع هالكلمات " الكفالة اولها ندامة وآخرها ندامة " ، ويبدأ سرد القصص في تورط بعض الناس في كفالات وربما باع بعضهم ما يملك من عقار علشان يسدد هالكفالة .. !!

المشكلة البعض اذا احتاج اليك يجيك يتمحلس ويداهنك ويذكرك بحقه عليك وثواب من يفرج عن مسلم كربه ثم اذا كفلته سحبك وحسر بك وينقلب الوضع ويتصبح ان من يترجى ويداهن ويساحر

يقول احد الزملاء حين سألته عن الكفالة والدين يقول : ما اسلف احد ولا اكفل احد فالزعل حاصل حاصل وخله يحصل ودراهمي عندي


السؤال اللي يسدح نفسه : لو جاك واحد قريب والا صديق وتعرف من من وضعه المادية ووالوظيفي انه وسط ويبك تكفله علشان يشتري جيب من اللي اسعارهن 150 الف ؟؟

تكفله والا تعتذر ؟؟

على طارى الكفاله والكفاله = جرالي ماجرالي يارفيقي
ابي علم الشهامه والجماله = وابا اسوي جميله في صديقي
ولاكني بعد دبرت حاله = نسيني قال عله في حريقي
ودفعت المال دونه بالوكاله = وذهب حيلي وذبت ونشف ريقي
وبعد تعبت حالي دون حاله = اذا قالو رفيقك اذا يضيقي
وانا يوم اذكره واذكرسواله = اقول انه رفيقٍ لي حقيقي
على شان الكفاله ضاق باله = يصك الباب وجنب طريقي
تقول اني مسوي به فساله = وانا من سبته مثل الغريقي
ولو انه صدقلي في مقاله = وقابلني بمنطوقٍ يليقي
صبرت وزادصبري بأحتماله =وشلت الحمل جائر والوسيقي