[صنداح الزلامى]

المشاركة الأصلية كتبت بواسطة موج القصيد

قصيده ولدت بعد فجر هذا اليوم
ان نالت استحسانكم فهذا مطلبي
وان لم ترتقي لسمو ذائقتكم
فاتمنى ان تقبلوها كما هي

جاه الغلا مني وصرنا مواليف=وقدمت له نفسٍ تزايد لهفها
وحلفت له ماعن محبته باحيف = وازهار ودي من خفوقي قطفها
ما كنت اظن اني بذوق التحاسيف=وانه بيجرح من لفته وعرفها
ادري المحبه هم وخيانه وزيف=ومع ذاك جيته والمشاعر عسفها
سلاح في ايده كما سلة السيف = يقطع به اعروقي ويمسك طرفها
الين صار العرق كله تناتيف = والدم ينزف من عروقٍ نتفها
يوصف محبتنا بحلو التواصيف = وفعله يعاكس وصفةٍ قد وصفها
وعده غدى كله تسالي وتصريف = يقول حاضر مير تخطي هدفها
كلمه احبك ما لها اي تصريف = في شرع منهو من لسانه صرفها
لو هي بقلبه كان يرقى المشاريف = يسكن مع شيهانةٍ هو ولفها
خلاص يا روحي كفاني سواليف = النفس وصلت يا حبيبي حتفها
زود جراحك لا تحسب التكاليف = ومعشوقتك في بعدها لا ترفها
هذا الزمن جاير وغدار ومخيف = لبس الخيانه زينتٍ والتحفها
الصدق صار اليوم نادر ولا شيف = الا باقيا سعد منو رشفها
ياعين جودي بالدموع الذواريف = دمعك سبايب غلطتي واعترفها
مما لجا بي غالبتني الصواديف=وبحاول اخفي علتي لا يكشفها
دنياي ما جتني بشفي على الكيف=وشمسي بهذا اليوم تعلن كسفها
يا الله خفف جور هالبعد تخفيف= ورفق بمن عاف الحياه وقرفها

موج القصيد

موج القصيد صح لسانك

لو كل مولود مثل هذه الدرة لتستقبلنا في كل

ساعة مولود ولكن ولادة القصيدة مرتبطة بمخاض

الهاجس و تحريك المشاعر والاحاسيس له دور ويكاد

ان اجزم ان ورى قصيدتك امر حرك مشاعرك وولد لنا

طفلة الجمال والحسن وهي تلك القصيدة والتي اعجبت بها

كثيرأ واحتوايها لبعض الصور ,,,, اعجابي واحترامي ودمتي شاعر متالقة