[الطائر المهاجر]

وصلت للدنيا ولا شي بيديّ = وارحل مثلما جيت واترك ثراها
دنياي هي دنياي ما دامني حيّ = ولا مت ما حسّيت ويش اعتراها
آبصرف اللي في يدي وان بقى شيّ= ياخذه من لاتعب يركض وراها
عمري قصير ودنيتي كنها الفي = يا سرع مارحل واندفن في ثراها
من ظنها تبقى ترى بالفكر عيّ = ما دامت لغيره بعالي سراها
الملك لله خالق الليل والضي= اللي رفع سبعٍ وعلاّ ذراها
وغيره ضعيف لو نسى يومه صبي = واغتر فالدنيا فلا هو قراها
ياسرع ما ينهار بحباله الطيّ = يضعف وحاله كل سقمٍ براها
ولا ينفعه طبٍ ولا ينفعه كيّ = رحله قصيره ابتدت ما احتراها
فالعاقل اللي ما تمادى به الغي = وحسّب حساب الآخره واشتراها