تو ماانزاحت عن الخاطر اسراب الهموم
وانقطع من دلة اهل الوفاء كل اضرمي
كلمةً خلتنـي اعانـق عنـان النجـوم
بعد اشادبها خوي السعد فـي محزمـي
ابو راشد نادراّ في سماء العلياء يحوم
فرخ حراّ فيه ماضّيع املـي واعشمـي
قلت رّح يمه وعطه الجديد من العلـوم
انص عبدالله ولا يمكـن انـك تندمـي
كل طيّب في مثل حاجتك هاذيـه يقـوم
فزعتاّ ماهيب فزعت طعـان ولا رمـي
والقبايل نعم والها من الجـوده قسـوم
كل ماجت ساعة الجد والموقف حمـي
يحفظون المعرفه والعوايـد والسلـوم
وانت عرفك ياعتيبي يـزوّد مسهمـي
صح لساااانك
صعوووب