اطفي الأنوار..(يالله)واشعلي شمعة هوانا=آآه.. ياكثر الجروح اللي يخفيها الظلام
رجعت فيني الأماني للزمان اللي نسانا=تذكرين أول سنين الشوق ولع بالغرام
تذكرين دموع هلت ..لاتطاولنا جفانا=وتذكرين أيام نخجل لا انتهينا من الخصام
كانت ايامً جميله كانت البسمه معانا=كنا ننظر للحياة بكل معنى للهيام
والسحابه لو تمر وتعترض نشوة سمانا=تمطر اخلاص ومحبه مع تحيات وسلام
والقمر يعزف ليالينا ..ويطرب في لقانا = وان توادعنا يغني حبنا مسك الختام
لكن الوقت يتغير وماهو ذنبي لابتلانا=مثلما ناراً توقد.. حنا من بعده حطام
الله يوفقك حبـيبي ..وكل شيً لو نسانا=إذكريني لو عيال عيالك بسن الفطام
ولعي الأنوار يكفي ..القدر ذوب رجانا=اكتشفت ان الجروح تزيد في جنح الظلام