[عمربن عجرف الشمري]

السلام عليكم ورحمة الله وبركاته احب انبه على الاسمى الي مذكورين بلقصيده 1-الشاعرمنصور بن سعدالرمالي الشمري 2- نمربن عدوان 3-قيس ابن الملوح -عبدالرحمن عادل الشمري هاك القصايـد ياسعـد كنّهـا اعـلاج=من زود نارن بلحشى جبت طـاروق جتك القصايد عقبهـم والحـزن راج=حزنٍ يسوق القاف من هاجسي سوق اكتب قصيدي في بحـر مـلّ لمـواج=بحرٍ عجز يكشـف خوافيـه مخلـوق حالي كسيفٍ يالخـوي هـم وازعـاج=يابو فرج ماني مـن الحـال معتـوق نهجٍ نهجته غيـر عـن كـل منهـاج=خلّى ابقلبـي ياسعـد جـرح مفتـوق شفني بديت ارمي همومـي بـالادراج=عزّي لهمٍ بيـن الاضـلاع مطـروق من كان قبلي عاشقـن خاطـره مـاج=قبلي غدا منصور من جلد واعـروق واذكر بكى مجنون وضحى وهو صاج=يبكي على وضحى به الهـم مرفـوق وابن الملوّح سار فـي درب منعـاج=من بعد ليلى مابقـى للوفـى شـوق والدحمي اللـي جـاب للهرج هـرّاج=من حب سعدا فـرّق الحـق بحقـوق واللي خفانـا بيـن الاوراق محتـاج=ننبش عليه اليـوم برفـوق برفـوق العشـق بـابٍ والمحاديـب مـزلاج=والهـم دقّ البـاب والبـاب مدقـوق والقلب منتـج والبعـد هـزّ الانتـاج=خلا مـوارد خافقـي سهـم مبيـوق صبّرت حالي بعدهـم والصبـر هـاج=والقلب جوّه عقبهـم رعـد وابـروق وجدي دخلت الحب ما شفت مخـراج=وجدي غدى وجد ابدويٍ علـى نـوق بالليل يشرب من عطاهـا وهـو داج=ويصبح عليه الصبح لـذود مسـروق بالحلم زار(ن) طيفهـم نـور وهّـاج=صرت اتحـرى جيّتـه دون مافـوق احلف بنى من حول خفّاقـي اسيـاج=محد(ن) قدر يدخله بالحيـل موثـوق حرّمت بعـده صاحبـي كـل مغنـاج=ماريد غيره من هوا البيض معشـوق اشكي وخلّي مهتني مـا درى ابحـاج=شكواي للـي رافـع الهـم والعـوق اسوق شعري واضوي الحرف باسراج=قلّه ابن عجرف عليك انـت مشفـوق جتـك القوافـي هايمـه بالصـدر اج=واللي فقع كبد الهـواوي تـرى اوق برمجت لك بعـض القوافـي تبرمـاج=برمجتهـا بالهـم والغـم والــذوق عزّي لحالٍ للوصـل صابـه احـراج=شفتـه غـدا للهم سابـق ومسبـوق بدعيه ربـي خالقـي يفـرج افـراج=وايطفّي النيران فـي قلـب محـروق صلاة ربّي عـد مـا طـاف حجـاج=على النبي سيد العرب خيـر مخلـوق